ग्रामपंचायत दाभोण 

    २०११ च्या भारतीय जनगणनेनुसार डहाणू तालुक्यातील दाभोन गावात सुमारे ५५० कुटुंबे राहतात. या गावाची एकूण लोकसंख्या २,७८० असून त्यामध्ये १,३६० पुरुष व १,४२० महिला आहेत. ० ते ६ वयोगटातील बालसंख्या सुमारे ४८० आहे. गावात मुख्यतः आदिवासी समाजाचे वर्चस्व असून काही प्रमाणात कुणबी व इतर समाजातील लोकही येथे राहतात. कुणबी समाजाचा मुख्य व्यवसाय शेती असून विशेषतः भात शेती मोठ्या प्रमाणावर केली जाते. आदिवासी समाजातील लोक शेतमजुरी, वीटभट्टी काम, बांधकाम कामगार तसेच इतर मजुरीची कामे करून आपला उदरनिर्वाह करतात. याशिवाय कुक्कुटपालन, बकरीपालन आणि काही प्रमाणात मच्छीमारी हे पूरक व्यवसायही गावात प्रचलित आहेत.